Ադրբեջանում խոշորագույն գարեջուր արտադրողը՝ «Բալթիկա–Բաքու»–ն, 2016-ի օգոստոսի 15-ից ժամանակավորապես դադարեցնում է արտադրությունը։
Ինչպես ԱՊԱ–ին հայտնել են ընկերությունից, վերջին ժամանակներս Ադրբեջանի գարեջրի շուկայում բարդ իրավիճակ է ստեղծվել։ 2015-ի ընթացքում շուկայի ծավալները 20 տոկոսով կրճատվել են, 2016-ի առաջին եռամսյակում՝ եւս 35 տոկոսով, եւ այդ միտումը շարունակվում է։
Այս կապակցությամբ ընկերությունը որոշել է 2016-ի օգոստոսի 15-ից ժամանակավորապես դադարեցնել լցնովի գարեջրի արտադրությունը «Բալթիկա–Բաքու» գործարանում՝ աշխատակիցներին 2 ամսով ուղարկելով պարապուրդի։
