ԵԽԽՎ ղեկավար Պեդրո Ագրամունտը համերաշխություն է հայտնել Թուրքիայի ժողովրդին Ստամբուլի օդանավակայանում կատարված ահաբեկչությունից հետո, որի հետեւանքով տասնյակ մարդիկ են զոհվել, փոխանցում է «ՌԻԱ Նովոստին»:
«Ուզում եմ համերաշխություն հայտնել թուրք ժողովրդին, ղեկավարությանը՝օդանավակայանում կատարված ահաբեկչության կապակցությամբ»,- ասել է Ագրամունտը Պետդումայի խոսնակ Սերգեյ Նարիշկինի հետ Մոսկվայում կայացած հանդիպման ժամանակ:
Ստամբուլի Աթաթուրքի անվան օդանավակայանի միջազգային տերմինալում հունիսի 29-ին երեք պայթյուն է որոտացել: Երեք մահապարտ ահաբեկիչներ կրակ են բացել ուղեւորնեի վրա ավտոմատներից, որից հետո գործի են դրել պայթուցիկ սարքերը Վերջին տեղեկություններով, ահաբեկչության հետեւանքով զոհվել է 36 մարդ, եւս 147-ը վիրավորվել է:
Թուրքիայի վարչապետ Բինալի Յըլդըրըմը հայտարարել է, որ հավաքված ապացույցները վկայում են ահաբեկչության հետ ԻՊ ահաբեկչական խմբավորման կապի մասին: