Ուկրաինացի քաղաքական գործիչ եւ «Բատկիվշչինա» կուսակցության առաջնորդ Յուլիա Տիմոշենկոյի դուստրը` Եվգենիան մայրիկ է դարձել: Այդ մասին հայտնել է քաղաքագետ Ալեքսեյ Գոլուբուցկին Facebook սոցիալական ցանցի իր էջում:
«Հենց նոր պատմեցին: Տիմոշենկոն տատիկ է դարձել:)) Աղջիկ է, ծննդաբերությունը տեղի է ունեցել Կիեւում, 3,2 կգ», — գրել է նա:
Ուկրաինական «Վեստի»-ի տվյալներով, երեխայի հայրն օդեսացի Արթուր Չեչոտկինն է: Սա Յուլիա Տիմոշենկոյի դստեր երկրորդ ամուսնությունն է, նա ամուսնացել է 2014-ի վերջին: Մինչ այդ, Եվգենիան 7 տարի ամուսնացած է եղել բրիտանացի ռոք երաժիշտ եւ գործարար Շոն Կարրի հետ:
