Ռուսաստանի զբոսաշրջային օպերատորների ասոցիացիայի գործադիր տնօրեն Մայա Լոմիձեն հայտնել է, որ այս սեզոնում Թուրքիա զբոսաշրջիկների հոսքի աննշան աճ է ակնկալվում, հայտնում է «Մոսկվան է խոսում» ռադիոկայանը:
«Զբոսաշրջիկների որոշակի, բավականին էական մաս կա, որոնք պատրաստ էին Թուրքիա մեկնել եւ այս ամբողջ ընթացքում սպասում էին, թե երբ կբացվի Թուրքիան որպես զբոսաշրջային ուղղություն: Բայց ամեն դեպքում, քանի որ սեզոնը գործնականում ավարտված է, չենք կարող խոսել հոսքի էական աճի մասին: Ինչ-որ հոսք անկասկած կլինի: Թուրքիայի վերադարձը դեպի զբոսաշրջային քարտեզ, հաշվի առնելով երկրում տնտեսական իրավիճակը, հաշվի առնելով, որ մեզ մոտ գործնականում արդեն հուլիսն է, ուժերի դասավորությունը շատ չի փոխի», — ասել է նա:
Լոմիձեի խոսքով, ռուսաստանցիները սկսել են զբոսաշրջային ուղեւորություններում ավելի շատ ուշադրություն հատկացնել անվտանգությանը, ինչը եւս կարող է ազդել զբոսաշրջիկների թվի վրա: