Արդարադատության նախարար Ձինտարս Ռասնաչսը հրապարակայնորեն ներողություն է խնդրել բոլոր նրանց առաջ, ում վնաս է հասցրել` ծառայողական տրանսպորտն օգտագործելով անձնական պահարանի տեղափոխման համար, հայտնում է Delfi-ն:
«Ես ոչ պրոֆեսիոնալ եմ գործել, դրա համար եւս մեկ անգամ հրապարակայնորեն ներողություն եմ խնդրում: Դա ծայրահեղ դեպք էր, որն իմ ճաշի ընդմիջումից 40 րոպե է խլել», — LETA գործակալությանը հայտնել է գերատեսչության ղեկավարը:
BNS գործակալության տվյալներով, նախարարն իր բնակարանից պահարան է տեղափոխել հարսնացուի տուն:
«Ես տեղափոխվել եմ հարսնացուիս տանն ապրելու, իսկ իրերը դնելու տեղ չկա: Յուրաքանչյուր նորմալ կնոջ պահարանը լի է սեփական հագուստով», — պարզաբանել է նա:
Ռասնաչսն ընդգծել է, որ դա բացառիկ դեպք էր, որպեսզի հնարավորինս արագ վերադառնար աշխատանքի: