Ազգային ժողովի «Ժառանգություն» խմբակցության պատգամավոր Զարուհի Փոստանջյանին թույլ չտվեցին օրակարգից դուրս թեմայի մասին ելույթ ունենալ ամբիոնից:
Այսօր՝ հունիսի 29-ին, «Ապրանքային նշանների մասին» Հայաստանի Հանրապետության օրենքում փոփոխություններ եւ լրացումներ կատարելու մասին հարցի քննարկման ժամանակ Փոստանջյանը սկսեց խոսել Ընտրական օրենսգրքի եւ իշխանությունների ճնշումների մասին:
Ազգային ժողովի փոխնախագահ Հերմինե Նաղդալյանն անջատեց ընդդիմադիր պատգամավորի խոսափողը, սակայն Փոստանջյանը շարունակեց խոսել: Նա հեռացավ ամբիոնից միայն ամբողջական ելույթից հետո:
«Հուսամ՝ մեկ դերասանի թատրոնն այսօր էլ չի շարունակվի»,- ասաց Հերմինե Նաղդալյանը:
