Հայաստանում ԱՄՆ նախկին դեսպան Ջոն Էվանսը ԼՂՀ այցի պատճառով կներառվի Ադրբեջանի ԱԳՆ-ի «սեւ ցուցակում»:
Ադրբեջանի ԱԳՆ մամուլի ծառայության ղեկավար Հիքմեթ Հաջիեւն ԱՊԱ գործակալությանն ասել է. «Հայաստանում ԱՄՆ նախկին դեսպան Ջոն Էվանսի անօրինական այցը Հայաստանի կողմից գրավված Ադրբեջանի տարածքներ հերթական սադրանքն է»:
Հաջիեւի խոսքով, այդ քայլով Էվանսը, «ԱՄՆ-ի հայկական լոբբիի հրահանգով եւ որոշակի ֆինանսական շահերից ելնելով, կանխամտածված կերպով փորձում է սրել իրադրությունը»: «Նրա անունը ներառվելու է անցանկալի անձանց ցուցակում»,- ասել է Հաջիեւը:
