Երբեւէ չենք քննարկել եւ չենք քննարկելու Լեռնային Ղարաբաղի, որպես ինքնավարություն, Ադրբեջանի կազմում լինելը: Այդ մասին հայտարարել է Հայաստանի ԱԳ նախարար Էդվարդ Նալբանդյանը ԵԱՀԿ գործող նախագահ, Գերմանիայի ԱԳ նախարար Ֆրանկ-Վալթեր Շթայնմայերի հետ համատեղ ասուլիսում։
Պատասխանելով վերջին երկու գագաթնաժողովների այմանավորվածությունների իրականացման հեռանկարների մասին հարցին, նախարարը ընդգծել է, թե ամեն հանդիպումից հետո համանախագահները հարցնում են՝ կհարգվեն արդյոք պայմանավորվածությունները։ «Ես նրանց մշտապես ասում եմ, համբերեք՝ թող ադրբեջանական պատվիրակությունը գնա Բաքու եւ կտեսնեք, թե ինչպես է ներկայացնում հանդիպման արդյունքները։ Հետո եզրակացություններ արեք։ Այսօր Ադրբեջանը, ցավոք, փորձում է ձգել լարը եւ տպավորություն թողնել, թե պայմանավորվածությունն օգուտ են իրեն։ Չեմ կարծում, թե դա օգտակար է բանակցային գործընթացին»,- նշել է Նալբանդյանը։
«Որպես օրինակ նրանք բերում են Նախիջեւանը՝ ժամանակին հայերով բնակեցված շրջանը, որտեղ ոչ հայեր են մնացել, ոչ հայկական մշակույթի հուշարձաններ։ Երբեւէ չենք քննարկել եւ չենք քննարկելու Լեռնային Ղարաբաղի, որպես ինքնավարություն, Ադրբեջանի կազմում լինելը: Դրանք շինծու վարկածներ են»,- ընգծել է ԱԳ նախարարը։