Վերջին տարիներին Թուրքիան, չլուծելով հին խնդիրները, նորերն է ստեղծում: Այս մասին Հայաստանի ԱԳ նախարար Էդվարդ Նալբանդյանը հայտարարել է հունիսի 29-ին Երեւանում Գերմանիայի ԱԳ նախարար, ԵԱՀԿ գործող նախագահ Ֆրանկ-Վալտեր Շթայնմայերի հետ համատեղ մամուլի ասուլիսի ժամանակ:
Պատասխանելով Պուտինին ուղղված Էրդողանի նամակի շուրջ ստեղծված իրավիճակի մասին հարցին՝ նախարարն ընդգծեց, որ երկկողմ հարաբերությունների խնդիրն այդ երկրների գործն է:
Միաժամանակ, Նալբանդյանը նշեց, որ հայտնվելով դժվարին իրավիճակում՝ Թուրքիան փորձում է ինչ-որ կերպ լուծել կուտակված խնդիրները:
Ըստ նախարարի, Թուրքիան խնդիրներ ունի հարեւան բոլոր երկրների հետ: Դա հանգեցրեց նրան, որ անցյալ վարչապետի թողած ժառանգության խնդիրները լուծելու համար ավելի մեծ ջանքեր են անհրաժեշտ: