Հայաստանի եւ Գերմանիայի միջեւ կրկնակի հարկումը բացառելու մասին համաձայնագիր է ստորագրվել: Փաստաթուղթը ստորագրվել է Գերմանիայի ԱԳ նախարար Ֆրանկ-Վալտեր Շթայնմայերի՝ Երեւան կատարած այցի ընթացքում: Հայկական կողմից այն ստորագրել է Հայաստանի ԱԳ նախարար Էդվարդ Նալբանդյանը:
Գերմանացի գործընկերոջ հետ համատեղ մամուլի ասուլիսի ժամանակ Էդվարդ Նալբանդյանը նշել է, որ հանդիպումը լավ առիթ էր՝ երկկողմ կապերի զարգացման հեռանկարները քննարկելու համար:
«Կողմերը գոհ են համագործակցության դինամիկ զարգացմամբ»,- հայտարարել է նախարարը:
Նրա խոսքով, վերջին տարիներին երկկողմ հարաբերությունների օրակարգն ընդլայնվել է, իսկ երկկողմ փաստաթղթերի թիվը հասել է վեց տասնյակի:
