«Շրեկ» մուլտֆիլմի հեղինակները ներկայացրել են «Տրոլները» անիմացիոն ֆիլմի առաջին թրեյլերը: Հոլովակը հրապարակվել է DreamWorksTV-ի YouTube-ի ալիքում:
Ժապավենի հերոսներին հնչյունավորել են Աննա Քենդրիքը, Ջասթին Թիմբերլեյքը, Ջեյմս Քորդենը, Զոյ Դեշանելը, Ռասել Բրենդը: Ֆիլմի ստեղծմանը մասնակցել են նաեւ երգչուհի Գվեն Սթեֆանին եւ «Մեծ պայթյունի տեսություն» սերիալի աստղ Կունալ Նեյերը: Այս մասին գրում է Gazeta-ն:
Հիշեցնենք, որ 2016 թվականի մայիսին Ջասթին Թիմբերլեյքը ներկայացրել էր Can't Stop the Feeling նոր հոլովակը: Այս երգը «Տրոլների» սաունդթրեքերից է: