Տարեսկզբի իրադարձությունները չպետք է կրկնվեն: Այս մասին հունիսի 29-ին Երեւանում Հայաստանի ԱԳ նախարար Էդվարդ Նալբանդյանի հետ համատեղ մամուլի ասուլիսում հայտարարեց Գերմանիայի ԱԳ նախարար, ԵԱՀԿ գործող նախարար Ֆրանկ-Վալտեր Շթայնմայերը՝ պատասխանելով հարցին, թե ինչ է պատրաստվում քննարկել Բաքվում հանդիպումների ժամանակ:
«Այն, ինչ տեղի ունեցավ տարեսկզբին, չպետք է կրկնվի: Անհրաժեշտ է ուղիներ փնտրել՝ անվտանգություն ապահովելու, բանակցությունները շարունակելու, կայունությունը պահպանելու եւ ԵԱՀԿ գործող նախագահի անձնական ներկայացուցչի թիմն ընդլայնելու համար: Սրանք են լինելու Բաքվում բանակցությունների թեմաները»,- նշեց գերմանացի նախարարը:
Նա, միաժամանակ, բանակցությունների ակտիվացման հույս հայտնեց: