News
Լրահոս
News
Հինգշաբթի
Մարտ 28
Տեսնել լրահոսը

«Մի հատ էդ տղամարդուն քննադատեք, կին եք». Այսպես արձագանքեց  ՕԵԿ խմբակցության ղեկավար Հեղինե Բիշարյանը NEWS.am-ի այն հարցին, թե արդյոք իր այսօրվա պահվածքով չնմանվե՞ց ՀՀԿ-ական պատգամավոր Առաքել Մովսիսյանին (Շմայս), ով մշտապես քննադատության է ենթարկվում պատգամավորին ոչ վայել վարքագծի համար։ 

«Դուք մի հատ նայեք, որ տղամարդը իրեն թույլ տվեց երկու կնոջ վիրավորել, եթե դու կին ես, աղջիկ ես, իրավունք չունես էդպես խոսելու, մի հատ էդ տղամարդուն քննադատի, կին ես»,-վրդովված նետեց Բիշարյանն ու մտավ իր աշխատասենյակ։

Հիշեցնենք, որ  Հայաստանի խորհրդարանում, երբ Նիկոլ Փաշինյանը արձագանքում էր նախորդ օրերին իր կուսակցությանն ուղղված քննադատություններին՝ ակնարկելով ՕԵԿ-ին եւ ԲՀԿ-ին, հունից դուրս եկած Հեղինե Բիշարյանը տեղից սպառնաց շշով հարվածել Փաշինյանի գլխին։  «Շիշը գլխիդ կտամ, այ համբալ»,-տեղից գոռաց Բիշարյանը։

Հարկ է նշել, որ  որ մի քանի ամիս առաջ էլ Սերժ Սարգսյանին ուղղված քննադատության համար Նիկոլ Փաշինյանը նույանբովանդակ արձագանքի արժանացավ ՀՀԿ-ական պատգամավոր Առաքել Մովսիսյանից։ Վերջինս իր տեղից Նիկոլ Փաշինյանին ասել էր «դիշովկա, համբալ»։

Նշենք, որ Փաշինյանը նոր Ընտրական օրենսգիրքը պաշտպանող, ընտրակեղծիքներից դժգոհող  ՕԵԿ-ին եւ ԲՀԿ-ին հիշեցնում  էր, թե ինչպես են ոչ վաղ անցյալում ընտրակեղծարարների դաշնակիցներ եղել։

Տպել
Ամենաշատ