Արմատական ծայրահեղականը ինքն իրեն պայթեցրել է Ղազախստանի Կարագանդայի շրջանում, երբ նրան փորձում էին ձերբակալել, եւս վեց ծայրահեղականներ էլ կալանավորված են, հայտնում է ՏԱՍՍ-ը, վկայակոչելով Ղազախստանի ազգային անվտանգության հանձնաժողովի ղեկավար Վլադիմիր Ժումականովին:
Ձերբակալվածները պատկանում էին իսլամի սալաֆիզմ արմատական հոսանքին: Նրանք բոլորը Ղազախստանի քաղաքացիներ են: Ընդ որում Ժումականովը նշել է, որ Կարագանդայի շրջանում ձերբակալությունները կապակցված չեն Ակտոբայում կատարված հարձակման հետ:
Հունիսի 12-ին Ղազախստանի ազգային անվտանգության հանձնաժողովը զեկուցել է Ակտոբայում ահաբեկչության բոլոր մասնակիցներին ձերբակալելու մասին:
Հունիսի 10-ին Ղազախստանի նախագահ Նուրսուլթան Նազարբաեւը հայտնել է, որ Ակտոբայում ահաբեկչություն կազմակերպած զինյալները սալաֆիզմի հետնորդներ են:
Հունիսի 5-ին Ակտոբայի վրա հարձակվել էին ծայրահեղականների մի քանի խմբեր, ինչի հետեւանքով զոհվել էր յոթ ու տուժել 38 մարդ:
Այդ նույն օրը Ղազախստանի իրավապահ մարմինները անցկացրել են հակաահաբեկչական գործողություն, որի ընթացքում ոչնչացվել էր 13 ծայրահեղական: Այսօրվա դրությամբ ոչնչացվել է 17 զինյալ: