Ռուսաստանի վարչապետ Դմիտրի Մեդվեդեւը կառավարության առաջիկա նիստի ժամանակ կհայտարարի Թուրքիայի հետ հարաբերությունների կարգավորման ուղղությամբ ՌԴ նախագահ Վլադիմիր Պուտինի հանձնարարականները կատարելու կարգի մասին:
Լրատվամիջոցների տվյալներով, պատժամիջոցների չեղարկմանն ուղղված առաջարկները հավաքելու է փոխվարչապետ Իգոր Շուվալովի աշխատակազմը: Դրանից հետո կառավարությունը որոշում կկայացնի պատժամիջոցների չեղարկման կամ փոփոխման մասին:
Վարչապետի տեղակալ Դմիտրի Կոզակի կարծիքով թուրքական շինարարական ընկերությունների նկատմամբ պատժամիջոցները կչեղարկվեն «առաջիկա մեկ- երկու շաբաթվա ընթացքում»: Ինչ վերաբերում է պարենամթերային էմբարգոյի չեղարկմանը ու չարթերային չվերթների արգելքին, ապա փոխվարչապետ Արկադի Դվորկովիչի կարծիքով այս հարցերի շուրջ որոշումները կընդունվեն «առաջիկա օրերին», գրում է «Կոմերսանտը»:
