Վաղ թե ուշ նավթի գները կաճեն։ Նման կարծիք է հայտնել ԱՄՆ նախագահ Բարաք Օբաման, հայտնում է National Observer–ը։
«Հիմա նավթն էժան է, բայց այն կթանկանա եւ ավելի թանկ կլինի, քանի որ սահմանափակ ռեսուրս է։ Դրա հանքահանումը ավելի ծախսատար կդառնա»,– ասել է Օբաման Օտտավայում Հյուսիսային Ամերիկայի երկրների առաջնորդների գագաթնաժողովում։
Օբաման նաեւ կոչ է արել էկոլոգիապես մաքուր էներգիա օգտագործել։
«Տեխնոլոգիան առաջ է շարժվում, զարգանում է արեւային էներգետիկան, հողմային էներգիան, հիդորէներգետիկան, բիոռեակտորները»,– ասել է նա։
Հիշեցնենք, որ նախօրեին ԱՄՆ Էներգետիկայի նախարարությունը կանխատեսել էր, որ 2017-ին նավթը կթանկանա մինչեւ բարելի դիմաց 60 դոլար։