Տասը մարդ է զոհվել Կամերունի հյուսիսային մասում «Բոկո Հարամ» խմբավորման մահապարտ ահաբեկիչի հարձակման հետեւանքով:
«Բոկո Հարամի» մահապարտներից մեկը գիշերը իրեն պայթեցրել է Ջականայում»,- մեջբերում է AFP–ը աղբյուրի խոսքը, փոխանցում է «ՌԻԱ Նովոստին»: Ջականա քաղաքը գտնվում է Նիգերիայի սահմանի կողքին:
«Բոկո Հարամը» արմատական իսլամական խմբավորում է, որը գործում է գերազանցաբար Նիգերիայում: Դրա զինյալները դեմ են կրթության արեւմտյան մոդելին ու պահանջում են երկրով մեկ շարիաթի ներդրում: Խմբավորումը պատասխանատու է ահաբեկչությունների մեծ մասի համար, որոնք պարբերաբար կատարվում են՝ ի պատասխան խմբավորման դեմ ուղղված ռազմական գործողություններին, որոնք իրականցնում են Նիգերիան, Կամերունը ու Չադը: