Կրեմլում դեռ տեղեկություններ չունեն այն մասին, թե Թուրքիան Ռուսաստանից տեղեկություն խնդրել է՞ Ստամբուլի ահաբեկչության ենթադրյալ կասկածյալ Չեչնիայի բնակչի մասին։ Այս մասին լրագրողներին ասել է ՌԴ նախագահի մամուլի խոսնակ Դմիտրի Պեսկովը, փոխանցում է «ՌԻԱ Նովոստի»–ն։
«Ես չեմ կարող ասել։ Անխոս, դա այն ինֆորմացիան է, որն առաջին հերթին փոխանակում են հատուկ ծառայությունները։ Ես չգիտեմ՝ ինչ–որ տեղեկություններ խնդրել են, թե ոչ, Ռուսաստանի քաղաքացի է նա, թե ոչ։ Հավանաբար, դա պարզ կդառնա ժամանակի ընթացքում, քանի որ ես նման տեղեկություն չունեմ»,– ասել է Պեսկովը։
Ավելի վաղ Yeni Safak թուրքական թերթը գրել էր, որ Ստամբուլի օդանավակայանում ահաբեկչության կազմակերպման մեջ կասկածվողը Չեչնիայի բնակիչ Ահմեդ Չաթաեւն է, իսկ DHА գործակալության տեղեկություններով՝ ահաբեկիչներից մեկը ՌԴ քաղաքացի, ազգությամբ չեչեն Օսման Վադինովն է, որը Թուրքիա էր ժամանել Սիրիայի Ռաքքա քաղաքից։