«Թուրքական հոսք» գազատարի նախագծի վերականգնման մասին խոսելը վաղաժամ է։ Բոլոր քննարկումները, այդ թվում՝ երթուղիները, շրջանակային բնույթ են կրում։ Այս լրագրողներին ասել է ՌԴ նախագահի մամուլի խոսնակ Դմիտրի Պեսկովը։
«Դեռեւս այդ մասին խոսելը վաղ է։ Դուք գիտեք, որ կան մտադրությունների մասին տարբեր արձանագրություններ, որոնք ստորագրել է «Գազպրոմը» Իտալիայում մի քանի ամիս առաջ։ Դեռեւս միայն շրջանակային ձեւաչափով քննարկվում են տարբեր այլ ուղիները։ Դեռեւս վաղ է ասել, թե որ երթուղիները կկոնկրետացվեն եւ կմտնեն իրացման փուլ»,– ասել է նա, փոխանցում է «ՌԻԱ Նովոստի»–ն։
Ավելի վաղ ՌԴ նախագահ Վլադիմիր Պուտինը կառավարությանը հանձնարարել էր սկսել Թուրքիայի հետ հարաբերությունների կարգավորման գործընթացը։