Հունիսի 29-ին, ժամը 10.40-ին, ոստիկանության Երեւան քաղաքի վարչության գրպանահատության դեմ պայքարի բաժանմունքի ծառայողները Երեւանի Ազատության պողոտայի թիվ 11 շենքի մոտից, գողություն կատարելու կասկածանքով, Արաբկիրի բաժին բերման են ենթարկել 41-ամյա Սերգեյ Մ.-ին:
Ոստիկանության մամուլի ծառայությունից NEWS.am-ին հայտնում են, որ խուզարկությամբ նրա մոտ հայտնաբերվել է կնոջ դրամապանակ` 21.350 դրամով, եւ զեղչի քարտերով:
Սերգեյ Մ.-ն խոստովանական բացատրություն է տվել, որ դրամապանակը գողացել է նույն օրը, ժամը 10.30-ին, Ազատության պողոտայում, թիվ 46 երթուղու ավտոբուսի սրահում, մի կնոջ պայուսակից:
Պարզվել է, որ տուժող կինը 52-ամյա Նարինե Խ.-ն է:
Կատարվում է հետաքննություն: