Երկու տարեկան տղան, որը տանն առանց ծնողների հսկողության էր մնացել, ընկել է երրորդ հարկից, բայց ողջ է մնացել, հայտնում է ՌԴ ՔԿ-ի Ալթայի մարզի վարչությունը, հայտնում է «ՌԻԱ Նովոստին»:
Գերատեսչության տվյալներով, հինգշաբթի ցերեկը երեխայի ծնողներն իրենց երեխաներին բնակարանում մենակ էին թողել` առանց հսկողության:
«Խաղի ընթացքում երկու տարեկան տղան բարձրացել է պատուհանագոգի մոտ գտնվող սեղանին եւ, հենվելով մոծակներից պաշտպանող ցանցին, ընկել է պատուհանից», — ասված է հաղորդագրության մեջ:
Երեխան գլխի վնասվածքներ է ստացել եւ հիվանդանոց է տեղափոխվել:
Քննիչները ստուգում են անցկացնում, որի արդյունքում ընթացակարգային որոշում կկայացվի: