Ռուսաստանցի էքստրեմալ հեծանվորդ Ալեքսանդր Նիկուլինը տեսանյութ է հրապարակել, որում ինքն ու ընկերը՝ Իրեկ Ռիզաեւը, փորձում են նվաճել Բաքվի Հեյդար Ալիեւի կենտրոնի պատերը:
Ըստ haqqin.az-ի, Նիկուլինն ու Ռիզաեւը Ռուսաստանում հայտնի մարզիկ են, որոնք էքստրեմալ հեծանվասպորտի բազմաթիվ մրցումների մասնակից եւ հաղթողներ են: Բաքվի Հեյդար Ալիեւի կենտրոնը նրանց գրավել է արտասովոր դիզայնի եւ սուր անկյունների բացակայության պատճառով:
Մի քանի հաջող անցումից հետո նրանց է մոտեցել կենտրոնի աշխատակիցը եւ սպառնացել անվտանգության պահպանության աշխատակիցների կանչել: Սակայն մարզիկներին դա չի վախեցրել, եւ նրանք շարունակել են հեծանվով «մագլցել» Կենտրոնի պատերի վրայով: