Իտալիայի, Կոլումբիայի եւ ԱՄՆ-ի իրավապահ մարմինները 11 տոննա կոկաին են առգրավել եւ մաֆիական խմբավորումների հետ կապի մեջ կասկածվող 33 անձի ձերբակալել: Այս մասին գրում է ՌԻԱ Նովոստին՝ վկայակոչելով Reuters-ը:
Մաֆիայի դեմ պայքարի իտալական ազգային դեպարտամենտի ղեկավար Ֆրանկո Ռոբերտին հաղորդել է, որ կոկաինի մեծ մասն առգրավվել է Կոլումբիայում:
Խմբավորումը կոկաինը մաքրել է Կոլումբիայի ջունգլիներում գտնվող յոթ լաբորատորիաներում: Թմրանյութը մատակարարվել է Եվրոպա եւ ԱՄՆ-ի տարածքով՝ Պանամա, Կոստա Ռիկա եւ Դոմինիկյան հանրապետություն, արեւադարձային մրգերի հետ միասին: