Ռուսաստանի նախագահ Վլադիմիր Պուտինը հրամանագիր է ստորագրել Թուրքիայի նկատմամբ սահմանված սահմանափակումները չեղարկելու մասին:
Կրեմլի պաշտոնական կայքի հաղորդագրության համաձայն, կառավարությանը, մասնավորապես, հանձնարարվել է միջոցներ ձեռնարկել Ռուսաստանի եւ Թուրքիայի միջեւ չարթերային ավիահաղորդակցության արգելքը չեղարկելու ուղղությամբ, նաեւ չեղարկել է դեպի Թուրքիա տուրփաթեթների վաճառքի արգելքը:
Բացի այդ, Պուտինը նախարարների կաբինետին հանձնարարել է բանակցել Թուրքիայի կառավարության հետ՝ արտաքին տնտեսական հարցերի շուրջ:
Հրամանագիրն ուժի մեջ է մտնում պաշտոնական հրապարակման օրվանից:
