Երեւանի Սարալանջի փողոցում, այսօր՝ հունիսի 30-ի գիշերը, տեղի է ունեցել ավտովթար: NEWS.am-ին ոստիկանությունից տեղեկացրին, որ Երեւանի Սարալանջի փողոցի եւ Ազատության պողոտայի խաչմերուկում ավտոմեքենան դուրս է եկել ճանապարհի երթեւեկելի գոտուց եւ բախվել արգելապատնեշին:

Ավտովթարի հետեւանքով տուժել են 33-ամյա Մարտին Մ.-ի վարած ավտոմեքենայում գտնվող երկու  ուղեւորները, որոնցից մեկն անչափահաս է: 

Shamshyan.com-ի փոխանցմամբ, ղեկին եղել է «Մուսալեռ» ռեստորանի երգիչ Մարտին Մկրտչյանը:

Տուժածները տեղափոխվել են հիվանդանոց: