Մոսկվայի ու Անկարայի լարվածությունից ամենաշատը տուժել են Ռուսաստանի ու Թուրքիայի ժողովուրդները, ասվում է Թուրքիայի արտգործնախարար Մեւլյութ Չավուշօղլուի հոդվածում, որը հրապարակվել է «Կոմերսանտ» թերթում:
«Մի քանի օր առաջ մեր նախագահը Ռուսաստանի նախագահ Վլադիմիր Պուտինին նոր նամակ է ուղարկել, որում ցավակցել է ռուս օդաչուի ընտանիքին ՝ նշելով, որ «այսուհետ եկել է ժամանակը ձեռնարկել անհրաժեշտ քայլեր ու նոր էջ բացել մեր հարաբերություններում»: Թուրքիայի նախագահը շեշտում է տարածաշրջանում ճգնաժամային երեւույթներին համատեղ արձագանքելու ու ահաբեկչության դեմ պայքարելու անհրաժեշտությունը: Դրա արդյունքում 2016-ի հունիսի 29-ին երկու առաջնորդների միջեւ կայացել է հեռաախոսազրույց, ու որոշում է կայացվել հարաբերությունների կարգավորման մասին»,- գրել է Չավուշօղլուն:
Եվ դա, նրա խոսքով «իրոք բարի լուր էր, քանի որ մեր հարաբերությունների լարվածությունից նախեւառաջ ու ամենաշատը տուժել են թուրք ու ռուս ժողովուրդները»:
«Չնայած մենք ոչ մի վայրկյան անգամ չէինք կասկածում, որ մեր ժողովուրդները, որոնք դարեդար ապրում են կողք կողքի այս աշխարհագրական տարածքում, մեր հին պետությունները, որոնք կայսերական ժառանգություն ունեն, ունեն անհրաժեշտ կամք, կշռադատելու ունակություն ու իմաստություն, որպեսզի հաղթահարեն նմանատիպ դժվարությունները: Հին ժամանակներում մեր նախնիները լրիվ վճարել են դիմակայության ու թշնամանքի գինը: Մենք վստահ ենք՝ այսօր եւ՛ թուրք, եւ՛ ռուս ժողովուրդները մեզնից ակնկալում են, որ մենք կարողանանք դասեր քաղել անցյալի փորձից ու մեր հայացքն առաջ ուղղենք: Եվ մենք անկեղծորեն ձգտում են արդարացնել այդ ակնկալիքները, համատեղ կառուցել մեր ընդհանուր ապագան»,- շեշտել է Թուրքիայի արտգործնախարարը:
