Հայաստանի ԱԻՆ-ում, այսօր՝ հուլիսի 1-ին, ժամը 01.48-ին տեղեկություն է ստացվել, որ Տավուշի մարզի Դիլիջան քաղաքի ավտոկայանի մոտակայքում արտաքին լուսավորման սյունն ընկել է եւ ճանապարհը դարձրել երկկողմանի անանցանելի. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ էլեկտրասյունն ընկել է Մաքսիմ Գորկու փողոցի սկզբնամասում:
Փրկարարները եւ «ՀԷՑ» ՓԲԸ վթարավերականգնողական խմբի աշխատակիցները սյունը հեռացրել են ճանապարհից, եւ այն դարձել է երթեւեկելի: