Հայաստանի ԱԻՆ-ում, այսօր՝ հուլիսի 1-ին, ժամը 10.45-ին ահազանգ է ստացվել, որ Շիրակի մարզի Հացիկ գյուղի «Ծակ Քար» կոչվող Սրբի մոտակայքում «ՎԱԶ-2107» մակնիշի ավտոմեքենան թեքվել է ձորը. ավտոմեքենան դուրս բերելու համար անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Փրկարարները «ՎԱԶ-2107» մակնիշի 33 OP 113 պետհամարանիշի (վարորդ Ա. Ս.) ավտոմեքենան դուրս են բերել ձորից (մոտ 10մ) երթեւեկելի մաս:
Աշխատանքների իրականացման ժամանակ փրկարարներին է մոտեցել քաղաքացի Պ.-ն եւ տեղեկացրել, որ իր վարած «ԳԱԶ-2410» մակնիշի 47 SL 184 համարանիշի ավտոմեքենան նույնպես թեքվել է ձորը:
Փրկարարները «ԳԱԶ-2410» մակնիշի ավտոմեքենան դուրս են բերել երթեւեկելի մաս:
