Վրաստանի մայրաքաղաք Թբիլիսիում բացվել է ԵԱՀԿ Խորհրդարանական վեհաժողովի 25-րդ լիագումար նստաշրջանը, հայտնում է NEWS.am–ի հատուկ թղթակիցը։
ԽՎ հոբելյանական նստաշրջանում բացման խոսքով ելույթ կունենան Վրաստանի նախագահ Գեորգի Մարգվելաշվիլին, ԵԱՀԿ–ում նախագահող երկիր Գերմանիայի արտգործնախարար Ֆրանկ–Վալտեր Շթայնմայերը, Վրաստանի վարչապետ Գեորգի Քվիրիքաշվիլին, Վրաստանի խորհրդարանի խոսնակ Դավիթ Ուսուպաշվիլին։
57 անդամ երկրները հուլիսի 1-5–ը քննարկելու են միջազգային անվտանգության հարցերն ու տարածաշրջանում հակամարտությունների, այդ թվում՝ ղարաբաղյան հակամարտության լուծման խաղաղ ճանապարհները։