«Ալ Կաիդա» ահաբեկչական խմբավորման ղեկավար Այման ազ Զավախրին հայտնել է, որ ԱՄՆ իշխանությունները ծանր հետեւանքների կբախվեն, եթե Բոսթոնյան մարաթոնում ահաբեկչության կազմակերպման համար դատապարտված Ջոհար Ցարնաեւին մահապատժի ենթարկեն, հայտնում է Reuters–ը:
Նրա խոսքով ԱՄՆ-ին նաեւ «ծանր հետեւանքներ» են սպասվում ցանկացած այլ մուսուլմանի մահապատժի դեպքում:
Հունիսի 24-ին Ջոհար Ցարնաեւին պաշտոնապես մահապատժի են դատապարտել: Դատական նիստի ժամանակ իր վերջին խոսքն ասելիս՝ Ցարնաեւը ներողությունէ խնդրել ահաբեկչության հետեւանքով զոհվածների ազգականներից:
2013-ի ապրիլի 15-ին Բոսթոնյան մարաթոնի ընթացքում պայթյուն է եղել, որի հետեւանքով զոհվել էր երեք մարդ ու վիրավորվել ավելի քան 260 մարդ: Թամերլան Ցարնաեւին ոստիկանները սպանել էին, իսկ նրա եղբորը՝ Ջոհարին հետագայում ձերբակալել:
