Վրաստանը ձգտում է ամրապնդել ժողովրդավարական գործընթացները, դա ԵԱՀԿ–ի հետ մեր համագործակցության հիմքն է։ Այս մասին հուլիսի 1-ին՝ ԵԱՀԿ ԽՎ 25-րդ լիագումար նիստի բացմանը, ասել է Վրաստանի նախագահ Գեորգի Մարգվելաշվիլին, փոխանցում է NEWS.am–ի թղթակիցը Թբիլիսիից։
Նրա խոսքով՝ Վրաստանը երկիր է, որը հնարավորություններ է ստեղծում։ «Մեր երկրում շուտով խորհրդարանական ընտրություններ են, եւ մենք շատ ուշադիր ենք հետեւում ժողովրդավարության ամրապնդման մասով այլ պետությունների կարծիքին։ Մենք օգտագործում ենք այդ կարծիքները, որպեսզի մեր ժողովրդավարությունը ավելի ակտիվ լինի, մեր երկիրը զարգանա այնպիսի նվաճումներ ձեռք բերի, որոնցով կարող է հպարտանալ Եվրոպան»,– ասել է Մարգվելաշվիլին։
