Չեխիայի նախագահ Միլոշ Զեմանը հնարավոր է համարել Եվրոպական Միությանը եւ ՆԱՏՕ-ին անդամակցության վերաբերյալ հանրաքվեների անցկացումը: «Ես համաձայն չեմ նրանց հետ, ով հանդես է գալիս ԵՄ-ից դուրս գալու օգտին: Բայց ես ամեն ինչ կանեմ, որ նրանք կարողանան հանրաքվե անցկացնել եւ արտահայտել իրենց կարծիքը: Նույնը վերաբերում է նաեւ ՆԱՏՕ-ից դուրս գալուն»,- ասել է Զեմանը, հայտնում է Reuters-ը:
Միաժամանակ Չեխիայի կառավարությունը հանդես է գալիս ԵՄ-ից դուրս գալու վերաբերյալ հանրաքվեի դեմ:
Վարչապետ Բոգուսլավ Սոբոտկան հայտնել է, որ կառավարությունը մտադիր չէ Եվրոպական Միությունից երկրի դուրս գալու վերաբերյալ հանրաքվե անցկացնել եւ չի պատրաստվում ՆԱՏՕ-ին անդամակցության հարցով քվեարկություն կազմակերպել, հայտնում է Life-ը: