Բանգկոկ-Մոսկվա չվերթն իրականացնող Airbus A330 օդանավն արտակարգ վայրէջք է կատարել Կազանում՝ Թայլանդից ուղեւորուհու ծննդաբերության պատճառով: Այս մասին գրում է ՏԱՍՍ-ը՝ վկայակոչելով Թաթարստանի ԱԻՆ մամուլի ծառայությունը:
«Աէրոֆլոտ»-ի օդանավը Կազանի օդանավակայանում վայրէջք է կատարել հուլիսի 1-ին, Մոսկվայի ժամանակով 14:36-ին: 32-ամյա ուղեւորուհին հղիության 8-րդ ամսում է եղել: Կնոջը տեղի հիվանդանոց են տեղափոխել:
Իսկ մայիսի 17-ին NordStar Airlines ընկերությունն անվճար փոխադրել էր մեկ տարի առաջ իր օդանավերից մեկում ծնված տղային: Արսենին լույս աշխարհ էր եկել 2015 թվականի մայիսի 6-ին, Կրասնոդար-Նորիլսկ չվերթի ժամանակ: