Ռուսաստանը թուրքական իշխանությունների հետ դեռեւս չի քննարկել Սիրիայում թուրքական կործանիչի կողմից ռուսական Սու-24-ի խոցման համար փոխհատուցման հարցը: Ըստ ՌԻԱ Նովոստիի, այս մասին հայտարարել է ՌԴ նախագահի օգնական Յուրի Ուշակովը:
«Այդ հարցով շփումներ դեռեւս չեն եղել»,- լրագրողներին ասել է Ուշակովը՝ պատասխանելով հարցին, արդյո՞ք հաջողվել է Թուրքիայի համաձայնություն ձեռք բերել օդանավի համար փոխհատուցման հարցում:
«Կառավարությունն առաջիկայում բանակցություններ է վարելու մի շարք, առաջին հերթին՝ առեւտրա-տնտեսական հարցերի շուրջ»,- հավելել է նա:
