Անհայտ անձինք հրազենի կիրառմամբ հարձակում են գործել Դաքքայի դիվանագիտական թաղամասում գտնվող Holey Artisan Bakery ռեստորանի վրա: Մի քանի ոստիկան է վիրավորվել, շուրջ 20 քաղաքացիական անձանց, այդ թվում՝ օտարերկրացիների, պատանդ են պահում հաստատության ներսում: Այս մասին գրում է Gazeta-ն՝ վկայակոչելով Dhaka Tribune-ը:
Որոշ տեղեկություններով, ռեստորանում պայթյուն է որոտացել: Այլ մանրամասներ չեն հաղորդվում:
Times of India-ն, որն իր կայքում ռեպորտաժ է հեռարձակում Դաքքայից, նշում է, որ պատանդների թիվը կարող է 40-60 լինել: Պարբերականի փոխանցմամբ, հարձակվողներն 8-ն են: Ահաբեկիչների գործողությունների շարժառիթի մասին որեւէ տեղեկություն չկա:
