Ավստրալիայում, այսօր՝ հուլիսի 2-ին, մեկնարկել են խորհրդարանական ընտրությունները: Առաջին ընտրատեղամասերը բացվել են տեղի ժամանակով 08.00-ին: Ընտրությունների պետք է մասնակցի շուրջ 15,6 մլն մարդ:
Հաղթանակի հիմնական հավակնորդներն են երկու կուսակցություններ՝ Ազատական ազգային կոալիցիան՝ գործող վարչապետ Մալքոլմ Թերնբուլի գլխավորությամբ եւ Լեյբորիստական կուսակցությունը, որը ներկայացնում է Բիլ Շորթենը:
Ավստրալիայի դաշնային խորհրդարանը բաղկացած է Ներկայացուցիչների պալատից եւ Սենատից: Ներկայացուցիչների պալատն ունի 150 պատգամավոր, որոնք ընտրվում են որոշակի ընտրական օկրուգից՝ 3 տարի ժամանակով: Սենատը խորհրդարանի վերին պալատն է, որը բաղկացած է 76 սենատորից: