Թուրքմենստանի նախագահ Գուրբանգուլի Բերդիմուհամեդովը սուրբ ամիս համարվող Ռամադանի ամենաբարեբեր գիշերվա (Ամենակարողության գիշեր) կապակցությամբ ներում է շնորհել 612 բանտարկյալի, հաղորդում են տեղի լրատվամիջոցները:
Համապատասխան հրամանագրերով, որոնք երկրի նախագահը ստորագրել է կառավարության նիստի ժամանակ, ազատ կարձակվել Թուրքմենստանի 586 քաղաքացի եւ 26 օտարերկրացի:
Նախագահը հրահանգել է արագ ազատ արձակել բանտարկյալներին, որպեսզի նրանք կարողանան դիմավորել «Ամենակարողության գիշերը» իրենց ընտանիքների հետ, ինչպես նաեւ օգնել նրանց աշխատանքի տեղավորվելու հարցում:
«Ամենակարողության գիշերը» նշվում է Ռամադանի 27-րդ օրը եւ համարվում է մահմեդականների պահքի ավարտի ավետաբերը: Ըստ իսլամի կանոնի, այդ գիշեր Ալլահը Ջաբրայիլ հրեշտակի միջոցով Ղուրանը փոխանցել է Մուհամեդ մարգարեին: