Բանգլադեշի ոստիկանությունն ավարտել է Դաքքայի ռեստորաններից մեկում պատանդների ազատագրման գործողություները, բոլոր հարձակվողները ոչնչացված են, հաղորդում է NBC հեռուստաալիքը՝ վկայակոչելով տեղի ոստիկանության ներկայացուցիչների հայտարարությունները:
«Դեպքի վայրում գտնվոս ոստիկանության աշխատակիցները հաստատել են տեղեկությունը, որ գործողությունն ավարտվել է: Արագ արձագանքման ներկայացուցիչները հայտարարել են, որ բոլոր հարձակվողները ոչնչացված են»,-հաղորդել է հեռուստաալիքի կայքը:
Նշենք, որ ուրբաթ զինված մարդիկ Բանգլադեշի մայրաքաղաք Դաքքայի դիվանագիտական թաղամասում հարձակվել են ռեստորանի վրա, որտեղ հիմանակում այցելում են զբոսաշրջիկներն ու դիվանագետները: