Նիդերլանդներից եւ Մեծ Բրիտանիայից աստղագետները գնահատել են տիեզերքում կյանքի տարածման տեմպերը: Հետազոտությանը նվիրված համառոտագիրը հրապարակվել է arXiv.org կայքում:
Գիտնականները փորձել են գնահատել, թե որքանով է փոխվել տիեզերքի բնակելիությունը վերջին չորս մլրդ տարվա ընթացքում, այսինքն` երկրի վրա կյանքի հայտնվելու պահից ի վեր: Դիտարկվող մոդելից կախված` այդ ընթացքում բանական քաղաքակրթություններով մոլորակների թիվն աճել է 2,5-ից 20 անգամ:
Բանական աշխարհների թվի աճի միտումը, ենթադրում են գիտնականները, կպահպանվի առաջիկա հարյուր միլիարդավոր տարիների ընթացքում, մինչեւ որ աստղերի մեծամասնությունը դադարի գոյություն ունենալ:
Ավելի վաղ աստղագետները հաշվի էին առնում կյանքի վրա II տեսակի գերնովաների եւ գամմա-բռնկումների ազդեցությունը, որոնք կարող են քաղաքակրթության կործանման հանգեցնել: Նոր հետազոտությունը առանձնանում է նրանով, որ հաշվի է առնում կյանքի վրա Ia տեսակի գերնովաների եւ գալակտիկաների ակտիվ միջուկների (որոնց ներսում գերզանգվածեղ սեւ անցքեր կան) ազդեցությունը:
Գիտնականները նշում են, որ առավել բարձր է II տեսակի գերնովաների դերը, հետո` Ia տեսակի գերնովաներինը: Կյանքի վրա այլ գործոնների ազդեցությունը (գամմա-բռնկումներ եւ գալակտիկաների ակտիվ միջուկներ) աննշան է, հայտնում է Lenta-ն: