Ոստիկանության Արաբկիրի բաժնի կողմից որպես անհայտ կորած որոնվում է 42-ամյա Անուշ Գասպարյանը (բնակվում է Շրջանցիկ թունել 52 հասցեում գտնվող «Ձորակ» հոգեկան առողջության խնդիրներ ունեցող անձանց խնամքի կենտրոն» ՊՈԱԿ-ում, ունի «Շիզոֆրենիա, պարանոիդ ձեւ» հիվանդություն, միջին հասակի է՝ նիհարավուն կազմվածքով, հագին եղել են շագանակագույն կարճ տաբատ եւ սպիտակ կարճաթեւ վերնաշապիկ):
Ոստիկանության մամուլի ծառայությունից NEWS.am-ին հայտնում են, որ հունիսի 30-ին, ժամը 13:00-ի սահմաններում, Անուշ Գասպարյանը նշված կենտրոնից դուրս է եկել եւ չի վերադարձել:
«Կնոջ գտնվելու վայրի վերաբերյալ տեղեկություններ ունեցողներին խնդրում ենք զանգահարել 010-27-02-02, 1-02 հեռախոսահամարներով կամ դիմել ոստիկանության Արաբկիրի կամ մոտակա բաժին»,– ասվալ է հաղորդագրությունում: