Ոստիկանությունը ձերբակալել է սպանված 4 երեխաների մորը: Վերջինս կասկածվում է Մեմֆիս քաղաքի (Թենեսիի նահանգ) բնակարաններից մեկում սեփական երեխաներին սառը զենքով սպանելու մեջ:
Ոստիկանությունը ուրբաթ ցերեկը Շելբվի օկրուգի բնակելի թաղամասերից մեկում հայտնաբերել է 4 երեխաների մարմինները: Նրանց մայրը ձերբակալվել է ցուցմունքներ տալու համար, նրան մեղադրանք դեռ չի ներկայացվել, հաղորդում է Associated Press-ը:
Այս դեպքը ցնցել է ինչպես ոստիկանությանը, այնպես էլ թաղամասի բնակիչներին: «Դա չարության ակտ է, որը ցնցել է մեզ մինչեւ հոգու խորքը: Երբեք չեմ հասկանա` ինչպե՞ս կարող է մարդը նման բան անել»,- ասել է Շելբի օկրուգի շերիֆ Բիլ Օլդհեմը:
Նրա խոսքով՝ հետաքննությանը միացել է նահանգի գլխավոր դատախազությունը: Իր հերթին, քաղաքապետ Մարկ Լյութրելը խոստացել է տրամադրել բոլոր անհրաժեշտ ռեսուրսները հանցագործության հետաքննության համար: «Քննիչների համար ամենաբարդ հարցն այն է, թե ինչու է դա տեղի ունեցել»,նշել է Շերիֆը:
Հարեւանների խոսքով, մահացած երեխաները եղել են մինչեւ 6 տարեկան:
