Թուրքիայի նախագահ Ռեջեփ Թայիփ Էրդողանը հստակ հասկացնել է տվել, որ մտադիր չէ գթասրտություն դրսեւորել, հայտնում է CNN–ը։
Ռազմական հեղաշրջման անհաջող փորձից ընդամենը 2 օր անց սկսվել են մահապատիժը վերականգնելու մասին խոսակցությունները։ Ավելի քան 7000 մարդ կալանավորվել է։ Նրանց պահում են ախոռներում՝ ստորացումների ենթարկելով, ստիպելով մերկանալ, հայտնում է CNN–ը՝ ներկայացնելով լուսանկարներ։ Աղբյուրների փոխանցմամբ՝ դրանցից մեկում հեղաշրջման փորձի մասնակիցները ներքնաշորով են՝ ախոռում ծնկաչոք։ Մեկ այլ լուսանկարում ՌՕՈւ նախկին հրամանատար գեներալ Աքըն Օզթուրքն է՝ ծեծի հետքերով։
