«Գահերի խաղը» սերիալի 7-րդ սեզոնը կհեռարձակվի 2017 թվականի ամռանը: Մինչ այդ, սովորաբար սերիալը մեկնարկում էր գարնանը՝ մարտ-ապրիլին: Այս մասին գրում է The Hollywood Reporter-ը՝ վկայակոչելով HBO հեռուստաալիքը:
Հաստատվել է նաեւ տեղեկությունն այն մասին, որ նոր սեզոնն ավելի կարճ կլինի. նախկին 10-ի փոխարեն հիմա կներկայացվի 7 սերիա: Նկարահանումները կանցկացվեն Հյուսիսային Իռլանդիայում: Նկարահանող խումբը կմեկնի նաեւ Իսպանիա եւ Իսլանդիա:
Ըստ Gazeta-ի, HBO-ն հաստատել է նաեւ ռեժիսորների թեկնածուներին. 7-րդ սեզոնը նկարահանելու են Մարկ Մայլոդը, Ջերեմի Պոդեսվան, Մեթ Շեքմանը եւ Ալան Թեյլորը: Նկարահանումների եւ պրեմիերայի հստակ ժամկետները դեռեւս չեն հաղորդվում:
