Mercedes-Benz–ը ներկայացրել է ապագայի ավտոբուսի նախատիպը, որն ունի ավտոմատ կառավարում։ Կոնցեպտը, որը փորձարկել են Հոլանդիայի Bus Rapid Transit 20 կմ երկարությամբ մայրուղու վրա, ստացել է Future Bus անվանումը, հայտնում է Motor–ը։
Նախատիպի հիմքում Citaro ընտանիքի սերիական ավտոբուսներում օգտագործվող պլատֆորմն է։ CityPilot կոչվող ավտոմատ կառավարման համակարգն աշխատում է բազմաթիվ փոխանցիչների, տեսախցիկների, GPS մոդուլի միջոցով։ Mercedes–ից հայտնել են, որ ավտոբուսը կարող է կառավարվել մինչեւ 1 սմ ճշգրտությամբ։ Այն ճանաչում է լուսակրի ազդանշանները եւ իր ճանապարհին խոչընդոտները, ինչպես նաեւ ինքնուրույն կանգնում է կանգառներում։ Առավելագույն արագությունը, որով գործում է ավտոպիլոտը, կազմում է 70 կմ/ժ։
Future Bus–ի սրահում ֆուտուրիստական նստատեղեր են, մեծ դիսփլեյ, նորարարական տոմսերի հաշվիչ եւ սմարթֆոնների անլար լիցքավորման համակարգ, որը տեղադրված ուղեբեռի դարակների վրա։