Տավուշի մարզում հուլիսի 10-ին հակառակորդի կողմից արձակված կրակոցից վիրավորված Տիգրան Մկրտչյանը տեղափոխվել է հիվանդասենյակ: Այս մասին NEWS.am-ի թղթակցին ասաց ՀՀ ՊՆ կենտրոնական կլինիկական զինվորական հոսպիտալի պետ Արամ Ասատուրյանը:
«Տիգրան Մկրտչյանի վիճակը կայունացել է, նրան տեղափոխել ենք հիվանդասենյակ»,- ասաց հոսպիտալի պետը:
Նշենք, որ Տիգրան Մկրտչյանը ստացել էր բազմաթիվ վնասվածքներ, վնասվել էր թոքը, լյարդը, երիկամը: Նա Նոյեմբերյանի բժշկական կենտրոնում վիրահատվել էր, ապա տեղափոխվել Երեւան: