Լիբանանում գրանցված ավելի քան 250 հազար սիրիացի երեխաներ դպրոցներում սովորելու հնարավորություն չունեն, ասվում է Human Rights Watch միջազգային իրավապաշտպան կազմակերպության զեկույցում, փոխանցում է «ՌԻԱ Նովոստին»:
Իրավապաշտպանների տվյալներով, Լիբանանը, որը ընդունել է ավելի քան մեկ միլիոն սիրիացի փախստականների, որոնցից 500 հազարը դպրոցահասակ երեխաներ են, թույլատրել է Սիրիայից եկած երեխաներին անվճար այցելել պետական դպրոցներ: Ընդ որում ըստ Լիբանանի Կրթության նախարարության վիճակագրության, անցած ուսումնական տարում պետական ու մասնավոր դպրոցներ են ընդունվել ոչ լիբանանցի 250 հազար երեխա, որոնց մեծ մասը սիրիացիներ են եղել:
Ինչպես հայտնում է զեկույցը, Լիբանանում ոչ բոլոր դպրոցներն են կատարել փախստական երեխաներին ընդունելու՝ իշխանությունների հրամանը: Բացի դրանից, փախստականների աղքատությունը սահմանափակում է երեխաներին դպրոց ուղարկելու հնարավորությունը, քանի որ նրանց ծնողնները չեն կարողանում հոգալ ուսմանն առնչվող ծախսերը: Հաճախ դպրոցի փոխարեն երեխաները աշխատելու են գնում:
Մնացած խնդիրներից են դպրոցում տարածված բռնությունը հասարակիցների ու ուսուցիչների կողմից, երեխաների անվտանգության հարցերը, երբ նրանք դպրոցից երեկոյան դասընթացներից ուշ ժամի տուն են վերադառննում, նաեւ դասընթացների անցկացումը օտար լեզուներով՝ օրինակ անգլերենով կամ ֆրանսերենով:
