Կանադացի եւ գերմանացի աստղագետները հայտնաբերել են, որ Ծիր կաթինի կենտրոնում գտնվող մի քանի հազար երիտասարդ աստղերը վիթխարի խաչ են կազմավորում: Դրա ուսումնասիրությունը կարող է լույս սփռել Գալակտիկայի էվոլյուցիայի գաղտնիքների վրա: Խաչը հայտնաբերվել է, այսպես կոչված, գալակտիկական որովայնի՝ ուռուցիկ կառուցվածքի հետազոտության ժամանակ, որը տեղադրված է Ծիր կաթինի եւ պարույրաձեւ այլ գալակտիկաների կենտրոնում, փոխանցում է Informing-ը:
Աստղաֆիզիկոսների կարծիքով՝ այս բացահայտումը հաստատում է այն տեսությունը, որ գալակտիկական որովայնը կազմավորվել է որոշ բնական պատճառներով, այլ ոչ թե այլ գալակտիկաների հետ Ծիր կաթինի բախման հետեւանքով, ինչպես կարծում են մեկ այլ տեսության կողմնակիցները: Գիտնականները համոզված են, որ եթե այդպիսի բախում տեղի ունենար, ապա ասըղերը չէին կարողանա հստակ արտահայտվախծ խաչ ձեւավորել: