Թուրքիան պետք է երկրում իրականացված հեղաշրջման փորձին Հիզմեթ շարժման գաղափարախոս Ֆեթուլլահ Գյուլենի մասնակցության վերաբերյալ լուրջ ապացույցներ ներկայացնի: Այս մասին հայտարարել է ԱՄՆ պետքարտուղար Ջոն Քերրին:
Քերրին նշել է, որ Անկարայի կողմից ուղարկված արտահանձնման մասին պաշտոնական հարցում եւ համապատասխան նյութեր առայժմ չի տեսել, եւ ԱՄՆ-ի պաշտոնատար անձինք առայժմ չեն կարող ասել, արդյո՞ք դրանք համապատասխանում են պահանջվող կարգին: Նա եւս մեկ անգամ կրկնել է, որ ԱՄՆ-ին ապացույցներ են անհրաժեշտ, այլ ոչ պնդումներ: «Մեզ ապացույցներ տվեք»,- հայտարարել է Քերրին:
Նա նշել է, որ ԱՄՆ-ն հետեւում է Թուրքիայում տեղի ունեցող զարգացումներին՝ վերահաստատելով ընտրված իշխանություններին Վաշինգտոնի աջակցությունը:
«Մենք սատարում են ժողովրդավարական կառավարությունը եւ դատապարտում ենք հեղաշրջման փորձը: Մենք ցանկանում ենք համոզվել, որ հեղաշրջման փորձին պատասխանը հիմնված կլինի ժողովրդավարության հարգման վրա»,- ասել է ամերիկացի պաշտոնյան: