ԱՄՆ արդարադատության նախարարությունը ցանկանում է կալանք դնել մալազիական 1Malaysia Development Berhad (1MDB) պետական հիմնադրամի հետ կապ ունեցող սեփականության վրա: Այս մասին գրում է Ինտերֆաքսը՝ վկայակոչելով նախարարության փաստաթղթերը:
Գերատեսչության տեղեկություններով՝ 2009 թվականին հիմնադրման պահից ի վեր մալազիական հիմնադրամից շուրջ 3.5 մլրդ դոլար է հափշտակվել: Այդ գումարի մի մասը ծախսվել է ԱՄՆ-ում եւ Մեծ Բրիտանիայում ակտիվներ գնելու նպատակով. տներ եւ հյուրանոցներ Նյու Յորքում, Լոս Անջելեսում, Լոնդոնում, ինչպես նաեւ ռեակտիվ ինքնաթիռ:
Նախարարության վկայություններով՝ գումարի հափշտակությանը մասնակից է մի քանի մարդ, այդ թվում՝ մալազիացի պաշտոնյաներ. Մալազիայի վարչապետի խորթ որդի Նաջիբ Ռազակը եւ 1MDB-ի հետ կապ ունեցող անձինք:
Բացի այդ, ըստ The Wall Street Journal-ի, գործին առնչություն ունի Red Granite Pictures ընկերության համահիմնադիրը, որը Մարտին Սկորսեզեի «Ուոլ սթրիթի գայլը» ֆիլմի պրոդյուսերն ու հովանավորն է: Նախարարությունը մտադիր է գործի շրջանակում առգրավել ֆիլմի գույքը՝ ավելի քան 1 մլրդ դոլարի չափով: