Autoleitner նիդեռլանդական ընկերությունը վաճառքի է հանել 2001-ի արտադրության Audi RS4 Avant–ը, որի վազքը կազմում է 188 կմ։ Մեքենան գնահատվել է 99 հազար 500 եվրո։ Թե ով է եղել ունիվերսալ մեքենայի տերը, եւ ինչու այն 15 տարի չի շահագործվել, չի հաղորդվում։ Ավտոսրահի կայքում հայտարարության մեջ  նշված է, որ մեքենան «բացարձակ նոր» է, փոխանցում է Motor–ը։

RS4 կապոտի տակ կա 2.7 լ ծավալով, 6-մխոցանի բիտուրբո շարժիչ՝ 381 ձիաուժ հզորությամբ։ Փոխանցման տուփը 6-աստիճանի է, մեխանիկական։ Մեքենան 100 կմ/ժ արագություն է զարգացնում 4.9 վայրկյանում։ Առավելագույն արագությունը 262 կմ/ժ է։

Audi RS4 ունիվերսալը արտադրվում էր 1999-2001թթ.։ Վաճառվել է 6030 նմուշ։